2012.05.02 Palau (Day 7) Dolphin Pacific

海豚灣之旅！雖然早幾日見過野生的海豚，不過都不能親身接觸到佢哋。嚟到 海豚灣除咗近距離影相外，仲可以 接觸同與 海豚暢泳。

喺Palau野生的海豚都係Bottlenose Dolphin，不過身型效細。海豚灣同樣Bottlenose Dolphin，牠們坐飛機由日本來的。體型比Palau野生的海豚大，原本6條，誕下2條後總共8條了。佢哋的食物都係進口，講解員話確保所有魚都含有足夠海豚的養份。

海豚灣之旅首個項目先了解一下海豚的生活同習性，同佢哋影下相。

之後叫佢表演下先... 

 

Cindy 與海豚暢泳！

海豚灣浮泡長了很多珊瑚：




16:00離開返酒店收拾行李去機場了....

2012.05.01 Palau (Day 6) Milky Way, Kayaking, Snorkeling

今日終於可以輕鬆一點，晏D起身食早餐，休閒地等旅行團Shuttle接我們。

08：50接過我們到旅行社，交下團費，取得自己用的Mask，Fins，同救生衣。喺一個裝修甚具日本人特色的餐廳等候集合出發。


餐廳捉養一隻蝙蝠，困喺籠裡，非常之兇惡，稍稍用手玩弄下佢就想咬人，真可惡，仲好鬼臭添！

之於隻鸚鵡都唔好得幾多，都係成日想啄人，又唔識學人講嘢。

不消30分鐘就到達一個似Lagoon的海灣，水平靜且呈奶白色加綠色，水深很淺，只要稍稍拍打兩下Fin就到水底。原來水底的泥係白色，應該係礦物聚積後沈澱於水底同沙泥渾合了。

大家非常合作地撈天然的海底泥上船，享受返個海底泥Mask先。個個塗到好似個石膏像，好攪笑！

嘆完個Mask後，就去咗第一次浮潛，如果無去過Scuba Diving的話，見到呢到嘅魚同珊瑚都算是開心的。

扒艇仔喇！2人一艇，好容易控制。今次係穿越一個紅樹林Mangrove Forrest，我們食的Mangrove Crab就生長喺此處，捉返兩隻先。沿著淺水的水道前行，兩邊都長滿矮矮的灌木，感覺像萬寶路世界探險。

浮潛見到的Neapolitan Fish 

Natural Arch 

Canon

見到一隻藍點水母，個性鐘意倒吊。咁靚，應該都會刺人，都係遠離一D好了⋯

晚餐一定要試下Coconut Crab，個樣都好鬼怪！成隻蜘蛛，見佢吊喺到以為係假，好彩無去攪佢，夾親手都有之。

真係好好、好好食！D蟹膏有椰子香，好濃好香。超正！大力推介，必食之選。







蝙蝠就真係唔敢食，朝早見到佢好鬼臭，點食得落口。有一日本食客Order咗，佢話好甘甜。唔攪我...

2012.04.30 Palau (Day 5) Diving@German Channel, New Drop Off, Big Drop Off

Last Diving Day！今日係最後一天潛水，Fabio希望可以帶我們睇到Manta Ray，所以我們再一次去German Channel。

09:42下潛，見到好多鯊魚大哥，Sting Ray瞓喺沙地等我們，就算去到Manta經常出沒的Cleaning Station都唔見踪影，同佢哋都係願慳一面。幸好預見笑口棗同巨型Puffer Fish填補返。

11:53第二潛，今次去新地點：New Drop Off。喺一個好大幅的珊瑚礁牆，順住水流在牆壁觀賞。有一隻Sea Turtle安坐珊瑚礁上，慢慢游埋去同佢親近一下，點知嚇到佢游去個洞哩埋，真抱歉...

去到一個淺水區，有瑩光葵，好少見得到！又有條Moray Eel喺個洞虛張聲勢，石頭上發現一對眼睛，原來係一條石頭魚；仲有幾條獅子魚。

向Big Drop Off最後一潛進發之前時，大隻船長發現一大群海豚就在前面，全部人即刻衝哂去船頭迎接海豚。D海豚真係好鐘意同人玩，每次5、6條衝向船頭同我們條船比賽，仲不時跳躍出水面，好開心！如是者5-6群海豚先後同我們玩耍過，我估計海域上有100-200條海豚，係咪同海豚玩唔去第三潛喇...

14:28又係新地點，好多好大塊的珊瑚，色彩也比較多，唯一擔心係會踼爛D珊瑚。這麼快就完成4天11潛了，都有D唔捨得...都好滿足，見到很多鯊魚，算是第一次，同埋好耐無潛水能夠有這麼多嘢睇了。可以的話，會想再來。

2012.04.29 Palau (Day 4) Diving@ German Channel, Blue Corner, DexterWall

真的受不了，我們要動用杯麵了！只要夾一些疏菜就夠了。今日的早餐真係好好味，下午回來都要去超市買返幾個...

今日首站係German Channel，兩大目的，睇鯊魚同魔鬼魚Manta Ray。上日與到一個外國女士，問我們去咗German Channel未？那裡很美麗壯觀，超多大型魚、鯊魚、魔鬼魚...一定不能錯過。就懷著既興奮又緊張的心情進入German Channel呢個潛點。

09:35進海裡，能見度良好，有60米。下潛到約26米，係沙底。有條小小的Sting Ray，再見到數條Grey Sharks同White Tip Sharks。不斷尋找，但都找不到Manta Ray的踪影...又見唔到很多大魚，今次係有點失望...

11：00第二潛，潛點：Blue Corner。上日潛過呢個位，今日再潛絕無失望。同上日一樣，超多嘢睇。Napoleon Fish，小丑，藍面，石頭魚（Scorpion Fish)，Moray Eel，海龜，八爪魚，同好多大大群的海狼，Jack Fish⋯樂而忘返。不經不覺就成個鐘，又要上水了。

今日點咗Vegetable Rice，清清哋，Cindy個Vegi Wrap好正！特別係有cream source同spice tomato source，好好食呀！

休息過後，14：30，第三潛喺Dexter Wall。出名好多大大塊Table Coral，扇子葵，瑩光葵加上小丑魚。下潛無幾耐被Cindy在一塊細細Table Coral上放上咗一條Cuttlefish，眼瞇瞇咁，用兩邊好似裙的鰭擺動前進，豬起個咀隨時受到侵犯就噴墨，最後都無噴。

呢到珊瑚多樣化，又靚，長滿很多唔同色彩的管蟲，又有石班⋯回行時仲見到條長長的彩虹，都為見不到Manta Ray而報返數，算是完美的結束啦！

返到碼頭，要為5月1日同2日的節目做準備。走去Dolphin Pacific報名親親海豚。5月1日Full哂，得5月2日，仲要分開上、下午各一位，節目16：00完結，我們趕搭黃昏的飛機離開，先留位，再衝返酒店確認確實時間。原來18：50飛機，叫酒店16：30車我們去機場都趕得切，即刻撲返去比錢確實。每位必須先參加USD$30Encounter Course，了解同初級接觸海豚，包括Hand Shake，同指示海豚跳躍，當然佢會幫你拍攝賣相比你啦！USD$15一張。完成這個後可以參加Swim with Dolphin(USD$80)，Free Dive with Dolphin(USD$100)，Scuba Dive with Dolphin(USD$120)。(http://www.dolphinspacific.com/)我們選擇Swim with Dolphin，可以喺水面游水同海豚影相(USD$20/5幅)，會影得清楚D，到時先決定影唔影。比完錢就安心哂。仲有一個圑係想去嘅，Milky Way加Kayaing加浮潛。返到酒店打個電話就報埋呢個團喇！5月1日08：50會有Shuttle Bus接我們到旅行社。

精力充沛的Cindy返到酒店又要再到後面海灘浮潛，今日要去遠D接近Lagoon的石山附近，睇下會否多D嘢睇。

又與昨日的雞泡魚見到面，佢喺保護色的海草之下都比我見到，真有願份。

今日晚餐簡單一點，酒店的Umi餐廳，拉麵，壽司，可惜⋯唔好食！