2012.04.30 Palau (Day 5) Diving@German Channel, New Drop Off, Big Drop Off

Last Diving Day！今日係最後一天潛水，Fabio希望可以帶我們睇到Manta Ray，所以我們再一次去German Channel。

09:42下潛，見到好多鯊魚大哥，Sting Ray瞓喺沙地等我們，就算去到Manta經常出沒的Cleaning Station都唔見踪影，同佢哋都係願慳一面。幸好預見笑口棗同巨型Puffer Fish填補返。

11:53第二潛，今次去新地點：New Drop Off。喺一個好大幅的珊瑚礁牆，順住水流在牆壁觀賞。有一隻Sea Turtle安坐珊瑚礁上，慢慢游埋去同佢親近一下，點知嚇到佢游去個洞哩埋，真抱歉...

去到一個淺水區，有瑩光葵，好少見得到！又有條Moray Eel喺個洞虛張聲勢，石頭上發現一對眼睛，原來係一條石頭魚；仲有幾條獅子魚。

向Big Drop Off最後一潛進發之前時，大隻船長發現一大群海豚就在前面，全部人即刻衝哂去船頭迎接海豚。D海豚真係好鐘意同人玩，每次5、6條衝向船頭同我們條船比賽，仲不時跳躍出水面，好開心！如是者5-6群海豚先後同我們玩耍過，我估計海域上有100-200條海豚，係咪同海豚玩唔去第三潛喇...

14:28又係新地點，好多好大塊的珊瑚，色彩也比較多，唯一擔心係會踼爛D珊瑚。這麼快就完成4天11潛了，都有D唔捨得...都好滿足，見到很多鯊魚，算是第一次，同埋好耐無潛水能夠有這麼多嘢睇了。可以的話，會想再來。

2012.04.29 Palau (Day 4) Diving@ German Channel, Blue Corner, DexterWall

真的受不了，我們要動用杯麵了！只要夾一些疏菜就夠了。今日的早餐真係好好味，下午回來都要去超市買返幾個...

今日首站係German Channel，兩大目的，睇鯊魚同魔鬼魚Manta Ray。上日與到一個外國女士，問我們去咗German Channel未？那裡很美麗壯觀，超多大型魚、鯊魚、魔鬼魚...一定不能錯過。就懷著既興奮又緊張的心情進入German Channel呢個潛點。

09:35進海裡，能見度良好，有60米。下潛到約26米，係沙底。有條小小的Sting Ray，再見到數條Grey Sharks同White Tip Sharks。不斷尋找，但都找不到Manta Ray的踪影...又見唔到很多大魚，今次係有點失望...

11：00第二潛，潛點：Blue Corner。上日潛過呢個位，今日再潛絕無失望。同上日一樣，超多嘢睇。Napoleon Fish，小丑，藍面，石頭魚（Scorpion Fish)，Moray Eel，海龜，八爪魚，同好多大大群的海狼，Jack Fish⋯樂而忘返。不經不覺就成個鐘，又要上水了。

今日點咗Vegetable Rice，清清哋，Cindy個Vegi Wrap好正！特別係有cream source同spice tomato source，好好食呀！

休息過後，14：30，第三潛喺Dexter Wall。出名好多大大塊Table Coral，扇子葵，瑩光葵加上小丑魚。下潛無幾耐被Cindy在一塊細細Table Coral上放上咗一條Cuttlefish，眼瞇瞇咁，用兩邊好似裙的鰭擺動前進，豬起個咀隨時受到侵犯就噴墨，最後都無噴。

呢到珊瑚多樣化，又靚，長滿很多唔同色彩的管蟲，又有石班⋯回行時仲見到條長長的彩虹，都為見不到Manta Ray而報返數，算是完美的結束啦！

返到碼頭，要為5月1日同2日的節目做準備。走去Dolphin Pacific報名親親海豚。5月1日Full哂，得5月2日，仲要分開上、下午各一位，節目16：00完結，我們趕搭黃昏的飛機離開，先留位，再衝返酒店確認確實時間。原來18：50飛機，叫酒店16：30車我們去機場都趕得切，即刻撲返去比錢確實。每位必須先參加USD$30Encounter Course，了解同初級接觸海豚，包括Hand Shake，同指示海豚跳躍，當然佢會幫你拍攝賣相比你啦！USD$15一張。完成這個後可以參加Swim with Dolphin(USD$80)，Free Dive with Dolphin(USD$100)，Scuba Dive with Dolphin(USD$120)。(http://www.dolphinspacific.com/)我們選擇Swim with Dolphin，可以喺水面游水同海豚影相(USD$20/5幅)，會影得清楚D，到時先決定影唔影。比完錢就安心哂。仲有一個圑係想去嘅，Milky Way加Kayaing加浮潛。返到酒店打個電話就報埋呢個團喇！5月1日08：50會有Shuttle Bus接我們到旅行社。

精力充沛的Cindy返到酒店又要再到後面海灘浮潛，今日要去遠D接近Lagoon的石山附近，睇下會否多D嘢睇。

又與昨日的雞泡魚見到面，佢喺保護色的海草之下都比我見到，真有願份。

今日晚餐簡單一點，酒店的Umi餐廳，拉麵，壽司，可惜⋯唔好食！

2012.04.28 Palau (Day 3) Diving@Iro Muro Wreck, Jelly Fish Lake,BlueHole to Blue Corner,

Good Morning Palau!!!

第二日喺呢間由臺灣老闆開的酒店食早餐，真是無什麼好嘢食，選不到有什麼好食。其實係Palau無什麼好嘢食，都與哪國開辦酒店無關。只選了煎蛋、一些蔬菜，明天要出私伙杯麵。

Breakfast

今日Fabio提供Nitrox比我們使用，讓我們可以更安全停留水中耐D同安全D。Fabio講解Nitrox同Air的分別，如何檢視氣樽內是Nitrox。用一電子儀器，先將它調節為21%氧氣度(即大氣含氧量)將佢放在mouth piece按氣，氣體流過電子儀器顯示為32%氧氣度。之後就調教潛水電腦表為Nitrox潛水模式，再調教氧氣度為32%。因為使用高氧潛水對於深度有所限制，所以下潛時敄必要留意潛水電腦表，注意下潛深度。

09:07第一潛，潛沉船，地點:Iro Muro Wreck (bow in 20m/66ft, stern in 25m/83ft, forward mast up to 10m/33ft, bottom at 40m/132ft.  The Iro was a Japanese navy fleet oiler, 140m/462ft long, sunk on March 31, 1944 after being damaged by a US submarine on its journey from the Philippines to Palau . This is the most popular wreck in Palau since it lies upright and its massive size and diversity of exploration points keep one from becoming bored. There are two huge guns mounted, one on the bow, one at the stern. Long companionways open into the quarters. Towards the stern divers find the smokestack lying towards the port side of the ship. Just aft of that lies the engine room that divers can look down into because its ceiling had been demolished by fire or explosions.).。

這是第二次世界大戰時日軍被擊落運送軍火的海軍船隻,沿下潛繩到達沉船船頭，能見度頗低，估計只得15-30米。落到去是船頭，沒有太多珊瑚礁或者魚。沿船身右邊向船尾進發，一路上見到幾條好大條的蝙蝠魚。

之後潛越船架進入船倉，見到一筒一筒的槍枝。最吸引還是去到船尾杆，那三枝有10米高的船尾杆，報滿一大堆、一大堆的小葵，上面每個小葵都有2-3條粉色nemo，或者係瑩光色nemo，非常美麗！樂而忘返！

11:00左右，車咗去Jelly Fish Lake。據說數百萬年之前，這個湖暗礁後從海上升後，創造一個內陸鹹水湖，水母被困在這。在此湖中的水母已經適應了新的條件，失去他們的刺痛。他們有8個原始的眼睛和住在其細胞內的藻類。這些藻類是水母生命之泉。水母每日係水母湖中游兩次水，從一邊游向另一邊，目的是吸收陽光照射到其內部的藻，使藻類可以生長而提供營養份。晚上水母游到較深的水，因為含有豐富氮。氮也維持的藻類數量。海葵是唯一威脅，會令水母被困或死亡。


由碼頭要先行上山，再落山才到達水母湖，路程大約10-15分鐘。去到Jelly Fish Lake，游到湖對岸，先見到大量水母。致身喺水母群當中，好似進入外太空，數以百計水母刷身而過，滑嘟嘟，感覺好酸。水母用身體向前推進，用手放係水母身體佢就不能前進，水母就會喺你膨掌之內，好好玩。水母湖都頗大，容納100人都不會迫。用Fin游一個來回都幾攰，幸好玩完就係食飯時間。





今日上海灘食午餐，我點咗魚排飯，不過唔知點解無胃口，所以請Fabio食，上岸後要行去海灘另一邊嘔吐，唔知關唔關第一次用Nitrox事，總之就係要嘔@_@  Cindy食Cheese & Ham Sandwiches，個樣幾好食喎！

13:18第二潛，潛點:Blue Hole to Blue Corner。Blue Hole又係好型的潛點。今次又係一下潛就有幾個洞口，不用電筒，因此不用關電筒已經再有潛行深淵(Sanctum)的感覺。呢到好多魚，有石班、馬鞍、仙魚，仲有好多一群群的魚，好靚！一個粉紫色圓浸波的海葵，覺得個海葵因為受到刺激先會卷埋變成一個波，好想用支棒棒撩開佢，不過最後都係無騷擾佢。


16:00返回酒店，Cindy意遊未盡，再去酒店後面海灘浮潛。海灘被幾座小山包圍，形成一個Lagoon，水流較靜，因此水質不太好。酒店放咗好幾隻小朋友大小的Clam，D Clam吸收水中的浮游物，有助改善水質。如果伸隻手入去唔知會否夾實唔放？！當然唔敢亦唔會試啦！


除了大大隻Clam之外，好多細細隻生長在石頭內，一生就幾隻。其實都無很多嘢睇，好難先見到一條Puffer Fish，係我們之前養過的，份外親切。游了一個鐘，我身子真係弱，覺得好鬼凍，先行上水。





沖返個熱水涼暖暖身先，已經book咗Steak House18：30來車我們去据扒，攪掂哂就出發。店舖好大，可惜客人好少，加埋我們兩人，全晩都係得10個客，有D擔心佢做唔做得住。

佢以套餐形式，有湯或者頭盤沙律，主菜，咖啡茶；全餐由USD$25-35不等，視乎主菜食什麼。我叫咗磨菇湯，Certified American Angus Beef Steak，咖啡，Cindy就order洋蔥湯，龍蝦牛柳，檸檬茶。

我個牛有牛肉味，夠腍身，正！Cindy龍蝦唔夠熟，要再煮，牛柳比較柴咗D，乾身同纖維太多，不算合格。唔知點解去超巿睇到Certified American Angus Beef大過手掌的Rib Eye都係USD$4-6塊，如果長住，日日一塊都得。

食飽又有Shuttle bus送我們返酒店休息，明天係第三日，將會係三潛的日子，未夠十點就眼瞓了⋯

2012.04.27 Palau (Day 2) Diving@Sandy Paradise, Siaes Corner, Chandelier Cave

原定早上06:50鬧鐘響起，心情有點緊張所以比預定時間早起來。酒店的早餐認真麻麻，快快食完就返上房執好哂Gear，準時08：20喺Lobby等Shuttle bus接我們到Diving center。

等到08：25都未到就心急了，不時四出張望，怕走漏眼見不到架車。終於出現喇！不消1分鐘就到，就喺對面。

將Gear掉下，推門入去就見到金卷髮，貌似Richard Gear的老外同人傾緊潛水準備，估都係DM。

佢先介紹自己：I am Fabio，個名好意大利人喎，令我諗起Mario。說話不多，問過我們名字，就遞上兩張海域permit，提醒我們出海記得要帶，就話5分鐘後出發上船。

一嚟就自己set樽，無錯，係好自助式，唔識係會幫幫你，大體上都係自己攪掂，好彩仲記得點整。

開船後，駛咗去Palau Pacific Resort接人，之後就直駛去第一潛點：Sandy Paradise

09:36跳入水中，唔知係咪之前滑水整穿左耳膜，初次下潛時反壓得好困難，太大力又驚迫穿個耳膜，幸好還是可以成功反壓。

呢個Spot是沙底，一落去未見到太多嘢！反正係第一潛，就當實習返潛水技巧。去到個底見到一條White Tip Shark休閒地在水底嘆世界。之後見到兩、三條Grey Shark游來游去，平靜而休閒，好似飛機來回巡邏。

珊瑚礁都很多，會發現海葵同nemo魚，呢到nemo同香港的不同，好像螢光的，令捨耀眼！仲有很巨型的大眼雞魚。較遠距離見到一隻Green Turtle在水中飛過，姿態優美。最後還見到一條大的老鼠班!

11:42第二潛，潛點:Siaes Corner。落水前教練已事先講解會有效大的流，到達後我們要抓緊珊瑚礁。明白哂，一落水都好風平浪靜，游咗100米後，嘩！大流到不得了，已經見到十個八個人抓住珊瑚礁對抗當中，我快快撲埋一舊大珊瑚礁後面，正因為喺大珊瑚礁後面，所以兩旁水流極猛，當我由左邊伸個相機出去想影鯊魚時，水流沖歪了閃光燈同個相機，未按制已經歪哂，根本就影唔到，唯有傳個相機比Cindy。轉個頭望向佢，見佢半個goggle養咗半缸水，清極都清唔到鏡，自己扮嘢表現一下，點知自己都賴哂嘢！入哂水，加上水流個心都驚一驚。最後移動到水流效細的地方，可以欣賞到幾條鯊魚同一大群Jack fish。

搏鬥完成個鐘，船長車咗我們去一個有枱有椅的沙灘，讓我好好享受一下什排午餐。

14:55第三潛，亦係我們要求的加潛。原定每日兩潛，不過唔潛水真係無其他嘢好做，所以基本上每人都加潛。

潛點:Chandelier Cave，水深9米左右。第一次潛洞穴，全部有4個，入到去可以露出水面，會見到好靚的鐘乳石。Cindy用的電筒用唔夠10分鐘就打壞，好多嘢出問題呀！下次要檢查好同帶後備。潛完哂洞穴游返出來時，Fabio叫大家關閉所有電筒，就好似潛行深淵(Sanctum)，好正！

大約16:00返到碼頭，行經一間旅行社，睇睇有與海豚暢泳團同牛奶湖導賞團，註足之際有一個職員出團回來，悉心講解有什麼好玩、好食，仲介紹咗一間叫Mog Mog的日本餐廳，好食又抵食。


回到酒店門口，見到只有一輛Shuttle bus的服務行車表，全部車站都係餐廳名，由我們酒店站到第三站就係Mog Mog喇。17:00有車，時間仲有40分鐘要飛快沖涼先...


16:50喺酒店門口見到一輛貌似Shuttle bus的巴士，問問司機，原來佢係某酒店私伙的巴士。不過有賺錢機會佢又點會放過，佢話搭的士要USD$10，車我們就收USD$3，當然上車啦！(事後發現搭的士係只需要USD$5，不過很多餐廳都會免費來回接送，只要叫酒店櫃檯幫你打電話去就可以了)

Mog Mog應該係韓文的“食食”感解，去到睇餐牌，又係食日本嘢噃！睇落都OK，仲有成個鐘先開門，所以行下條街睇下仲有什麼好選擇。行前D有間牛排屋，不過明天會試所以唔睇了。再行有間自稱九州居酒屋，個名就好Professional，入到去成個中餐館，中國老闆問我們是否日本人，比個全中餐的餐牌比我們睇，一睇就知騙遊客啦！

差不多行哂大半條街，都無什麼好嘢了。回程去返Mog Mog，又發現一間喺The Tja樓梯底的日本嘢，呢間真係堅，日本佬出來講解，聞到陣陣味美的日本食物香味，仲有好想試的Mangrove Crab，不過真係貴好多，最後都係決定返去Mog Mog食。

我們叫咗Mangrove Crab，tuna sashimi，蝦天婦羅...隻蟹好多肉好甜，tuna就唔夠Drop off bar好食，無化的感覺，亦不夠新鮮。

食飽飽，返去瞓了，明天再出發...