2012.04.26 Palau (Day 1)

早上10:10 乘坐中華航空由香港出發，台北轉機飛去Palau Koror 機場。生平第一次搭中華航空，真係有D擔心；十幾年前嘅事故還很深記憶，加上有個老友話送機票都唔會坐，心裡始終有點不安。只是訂購時間緊迫，同時另一選擇就是菲律賓航空並要馬尼拉轉機；最後都係膽戰心驚搭華航。

轉機接駁時間非常好，一落機不消一個鐘就轉機，差不多不用等。之後再飛四小時就抵達Palau Koror  機場。酒店職員已經喺機場等候接送我們直達酒店，沿途街燈很少，只有一條Main Street出巿區，路兩旁都是一些食店、market、紀念品店舖等。見到很少款式的食店，日式好似較多，有一間叫Burger 店，好土炮都唔試了。

30分鐘就到達酒店，乾淨企理，房間很大又有廳。放下行李第一件事就係醫肚，問櫃台最近食店佢話出酒店右轉，條街好黑，一路行無舖頭，見到一、兩間market仔；之後見到同Sam's Tour 同一個路牌有間Grill 店，不過行入去3分鐘條路係什麼都不見，即刻走頭。再一路行見到另一間Palm Resort 的 Bistro，只係得一個雞套餐，完全唔吸引，唯有走回頭。

行行吓見到路牌Drop off Bar & Grill，露天酒吧又有好多人，就呢到啦！原來呢間隔離係我們 join 的Neco Marine Dive Shop，好近酒店。

點一份Pan fry fish同Pizza，見人叫Sashimi 好似幾正又order一份。原來藍鮨吞拿魚，真正！肥味可口，入口即溶。其如兩樣不提也罷‧‧‧

食飽飽，早點休息準備明天的第一潛‧‧‧